Shanie van der Merwe is ’n toegewyde leier en kreatiewe persoon, wat op 24 Maart 1974 in Tsumeb, Namibië gebore is. Met ’n sterk agtergrond in gemeenskapsleierskap, organisasiebestuur en sportadministrasie, bring sy passie, dissipline en uitstekende mensevaardighede na elke projek en rol.
Sy dien tans as Voorsitter van die ACVV en die VLV,se van die Noordkaap Unie Uithourit Vereniging. Vise voorsitter van die Transvaalse Landbou Unie, NoordKaap streek. Lid van ondermeer die plaaslike Boere Unie Bestuur sowel as die Louwhuis Bestuur. In hierdie rolle is sy verantwoordelik vir strategiese leiding, spanbou, die organisering van geleenthede en die bevordering van vroue- en gemeenskapsontwikkeling.
Shanie is ’n erkende FEI Endurance Tutor, Judge en Steward. Sy was ook Nasionale Kampioen in die Uithouritsport, ’n prestasie wat haar kennis van sportbestuur, reëls, opleiding en hoëprestasie-ondersteuning beklemtoon.
Sy is besonder lief vir tale en kommunikasie. Benewens Afrikaans en Engels, praat sy ook Portugees, Oshiwambo, Duits, bietjie Nama en Boesman. Hierdie taalkennis stel haar in staat om effektief met diverse gemeenskappe en kulture te skakel – ’n waardevolle bate in haar gemeenskaps- en verenigingswerk.
Benewens haar bestuursrolle is Shanie ’n passievolle skepper. Sy maak klere, skilder, skryf gedigte en het ’n besondere talent vir enige handwerk. Hierdie kreatiewe aktiwiteite versterk haar innoverende denke en vermoë om met oorspronklikheid oplossings te vind.
Sy is ’n entoesiastiese stapper met ’n diep liefde vir die natuur, en kranige hoenderboer. Dit help om haar om balans te handhaaf en met hernieude energie haar professionele en gemeenskapsverpligtinge na te kom.
Shanie van der Merwe word gekenmerk deur haar betroubaarheid, leierskap, veelsydigheid en opregte betrokkenheid by mense en haar omgewing. Sy is gedrewe om waarde toe te voeg in elke omgewing waar sy werk.
Na soveel jaar noem jy my steeds haar
Dit ruk in my, o die pyn
Ruk my vlees, pluk my hart
Dolke steek my borskas
Pyn! Verraad! Seer seer
Hoekom kan jy nie keer
Jou gedagtes vol van haar
Jou mond loop oor
Waar is jou hart?
Steeds by haar?
Wat wil jy sê wat in onbewaakte oomblik uiting kry met ‘n woord, 'n naam!
Versmagting van jou hart wat uitvloei in ‘n eggo van jou wese
Jy te skaam, maar ek verstaan
Moet ek stilbly, dit laat gaan
Baklei, stry, hartseer wees of net stort ‘n stille traan
Dis so seer hoeveel keer weer en weer
En jy vra o so onskuldig - is jy kwaad vir iemand?
Wat wil jy he
Wat ek moet sê
Sodat jy die baklei se skuld na my kan lei?
Fyngevoelig, dramaties moet ek hoor
Kersfees kom en gaan
Valentyn en verjaardag
Geen verrassings pakkie met lint gebint
Maar ek hoor van geskenke in oordaad, ruikers so groot
Vir die een met haar naam wat telkens oor jou lippe stoot
3 x 3
Die haan het gekraai
ek verraai
vir geld het jy ( en om burgerskap te kry)
my gewip,gevang, gering
verneder, mishandel, misbruik
Alles om jouself te verryk
In vreemde land
jou ingewande knus, dik gevreet
jou oorskiet
ek moet my land verlaat
jy die koekoek kuiken
gesteel my herkoms, my toekoms
'n tydperk uit my lewensverhaal
vernietig, verwoes, mot gevreet, kaal
Moederland, geboorteland jou het ek nie versmaad
omojovas's en kremetat
efukwa of bambara
parkiesveld en omuramba
makalani en omborongbongo
die efundja spoel ons almal skoon
daar teen die kaplyn..... daar sal my gedagtes ewig sy kuier loop
maar op die pad by Liefdood verby
hier in die Rôeveld, neffens Sitterland het my hart sy stil gekry
waar die bossies groen in blom
maar die boom sonder blaar
jou oog vang in teenstrydigheid
waar katbos, skaapbos en kruidjie-roer-my nie se reuke trou met kambro
gannabos en rooi kliprantjies in bos uitloop en fontein ontspring naby daubenia en tjiekerientjee
die vaal ribbok met sy wit stert pronk, en dassie skarrel weg van jakkalsvoël wat uit die lug duik
Hier, hier het my hart sy stil gekry
Optelkind, weggooikind
Neergesit, eens gelos
vir beter toekoms
of is dit ....
Mos?
Later sal ek jou leer ken
wanneer ek vergewe en wil
'n weggooikind, maar teen my wil...
jou 'n beter toekoms gee
Dis wat almal sê
Maar was ek ooit in jou hartswoning?
Was ek 'n flikker in my pa se oog?
Of was ek in een nag gepoog?
Wat was my begin?
Hoe sal ek ooit besin?
Waar ek hoort? Wie ek is?
Hoe kry ek sin in onseker begin?
Waar is my wortel?
Hoe kry ek rede?
Vanne, familiename, grafte
Waar?
Waar hoort 'n kind sonder van?
Sonder bloed wat in my vloed
onseker herkoms
WEG GE GOOI
Is ek iemand, is ek niemand?
geen familie graf, geen van
EK....
Net 'n naam
Met woord en liriek bring ons hulde aan jou
120 jaar leef jy steeds
In ons harte
warm
Beleef ons goue woorde wat siele vul en voed
18 siele in jou voorhuis
kaggelvuur en wyn
Riku op trekklavier
Gerard en Rykie vertel...
Ons bring hulde aan jou
Op heilige grond luister ons
Gevleulde woorde uit jou pen
Dankie vir
Geluk met jou verjaardag Nicolaas Petrus van Wyk Louw
Op die ritme van Ipitombi het jou water gebreek
jy, nog net 'n kind
kon jy weet wat die toekoms bring?
Blind was jy deur die pienk walm van verlief
gou en wreed is jy tot sinne gepluk
ek het jou lief! fel val die houe oor jou lyf
ek het jou lief! stamp jou dat jy trek
ek het jou lief! gooi jou met sy kos
sal jou kinders jou waarde ooit besef
jy die mamma, altyd daar
soveel pyn, vernedering en smaråt
op die ritme van Ipitombi moes jy weet
jou prins, geen ridder,
getrou aan sy sy het jy gebly
opgevreet, hy vet-gevreet-versorg
deur dik en dun
sal jou kinders jou waarde ooit besef
stil het jy gely
stil het jy gebly
Kontak Shanie van der Merwe direk. Jou boodskap sal per e-pos gestuur word.
