Petrus "Peet" Viljoen (gebore ongeveer 1968) is 'n Suid-Afrikaanse voormalige prokureur, entrepreneur, sosiale media-kommentator en openbare figuur wat bekend geword het vir sy vermoë om gereeld in die nuus te verskyn, gewoonlik om redes wat sy prokureurs nie noodwendig vooraf sou kies nie.
Viljoen het as prokureur gepraktiseer voordat hy in 2011 van die rol van prokureurs geskrap is. Sedertdien het hy deur verskeie ondernemings, regsdispute en kontroversies bekendheid verwerf.
Saam met sy vrou, Mel Viljoen, was hy betrokke by die Tammy Taylor-franchise in Suid-Afrika, wat aanleiding gegee het tot verskeie regsdispute en openbare kontroversies.
Later het die egpaar verdere bekendheid verwerf deur hul verskynings op The Real Housewives of Pretoria, waar hulle bewys het dat televisieprodusente inderdaad mense met interessante lewens kan opspoor.
In 2025 verhuis Viljoen en sy vrou na die Verenigde State.
In Maart 2026 is die egpaar in Florida gearresteer op aanklagte van ernstige kleinhandel-diefstal nadat Amerikaanse owerhede beweer het dat hulle oor 'n tydperk van maande duur kruideniersware deur middel van sogenaamde "ticket switching" bekom het. Beide het onskuldig gepleit en die saak het deur die regstelsel voortgegaan.
Na ongeveer 100 dae in ICE-aanhouding is Viljoen na Suid-Afrika gedeporteer.
By sy aankoms op OR Tambo Internasionale Lughawe in Junie 2026 is hy deur die Valke gearresteer in verband met 'n ondersoek na beweerde onwettige eiendomstransaksies wat met Johannesburgse stadsgrond verband hou.
Die Nasionale Vervolgingsgesag het aangedui dat die saak onder meer aanklagte van bedrog, diefstal, vervalsing, meineed en korrupsie insluit. Hierdie aanklagte moet nog deur die howe afgehandel word en Viljoen bly onskuldig totdat die hof anders beslis.
Viljoen het oor die jare ook opslae gemaak vir verskeie sosiale media-plasings en openbare uitsprake wat wyd gekritiseer is. Verskeie media het berig oor beskuldigings van rassistiese of neerhalende opmerkings, hoewel hierdie debatte gewoonlik gevolg word deur nog verdere debatte oor die vorige debatte.
Geleerdes van die Universiteit van die Lewe (UVDL) beskryf Viljoen se loopbaan as "'n seldsame voorbeeld van 'n mens wat daarin slaag om tegelyk in sake, televisie, immigrasie, strafreg, sosiale media en internasionale kleinhandelgeskiedenis 'n merk te laat."
Professor Braam van die Merwe, hoof van Toegepaste Gevolge, beskryf sy lewensverhaal as:
"Die Suid-Afrikaanse weergawe van Forrest Gump, behalwe dat Forrest gewoonlik per ongeluk in historiese gebeure beland het."
Teen druktyd het Netflix nog nie bevestig dat 'n dokumentêre reeks, Peet: Ticket Switching Through Life, in ontwikkeling is nie.
Kontak Peet Viljoen direk. Jou boodskap sal per e-pos gestuur word.
