Bester Meyer is ’n liedjieskrywer, digter en vertaler. Hy woon in Alberton, Johannesburg. Sy poësie is filosofies van aard. Meyer glo dat die kunstenaar daar is om die mense te oorreed om op te staan teen die geykte orde van die dag; die bourgeoisie wat nie bereid is om te erken dat daar ʼn beter manier is nie. Meyer is deurentyd in sy werk op soek na ʼn wêreld van broederskap. Iets wat volgens hom daargestel kan word deur ʼn innerlike revolusie en ʼn leefwyse waar liefde nie aan mense verkoop hoef te word nie, maar waar ons dit eerder gratis aan mekaar kan uitloof, deur Jesus – in al sy vorme – te weerspieël.
Vir Meyer het Pink Floyd die logos gebring en die groep se werk beïnvloed hom van jongs af. Terselfdertyd ontwikkel hy ʼn groot affiniteit vir die werk van Breyten Breytenbach en André P. Brink, saam met sy ikone in die musiekbedryf Valiant Swart en Koos Kombuis. Sy belangstelling in literatuur en musiek ontwikkel hand aan hand. Hierdie dubbele liefde – vir musiek en eksistensiële ondersoek aan hand van filosofiese tekste en die literatuur van iemand soos, byvoorbeeld, Albert Camus – word later ʼn kenmerk van sy eie kreatiewe werk. Vir Meyer is kuns nie bloot vermaak nie; dit is ’n vorm van ondersoek; ’n manier om vrae te stel oor waarheid en dit wat ons maak wat ons is én waarteen ons móét rebelleer.
Die Naamlose Dors
Die Naamlose Dors het sy oorsprong uit Die Dors, ʼn trio van Westdene, Johannesburg, (2006-2010) toe Meyer saam met Dave Williams (bas) en Tian Boshoff (dromme) geskaaf het aan – baiekeer – donkerder songs. Dié jare sou lewe gee aan songs soos Baby ʼn Cocaine en Oppikoppi wat nou nog deur Die Naamlose Dors gespeel word. ʼn Paar van die liedjies word in 2010 opgeneem in samewerking met Albert Frost en beskikbaar gestel as die kortspeler: Goofy met Albert Frost: Ontmoet jou Onder ʼn Harvest Moon.
Net ná die publikasie van Meyer se debuutdigbundel, Die Testament, Naledi (2020), wat hy uitgee saam met ses toonsettings van gedigte van onder andere Breyten Breytenbach en Ingrid Jonker genaamd: Musiek vir jou Ure, word Die Naamlose Dors gevorm saam met twee Kapenaars: Jan-Daniel de Villiers (elektriese kitaar) en Steve Smit (perkussie), nadat die drie saam vertonings gedoen het om dié toonsettings en bundel te bemark.
In 2022 neem hulle die enkelsnit, Winterlady III, en ook die kortspeler Rebel Heart op, laasgenoemde word saam met Meyer se debuut Engelse digbundel, Rebel Song (2022), uitgee word.
In 2024 sien ʼn toonsetting van Antjie Krog se bekende gedig, Ma, die lig.
Die band is tans besig om ʼn vollengte Afrikaanse album op te neem.
Skrywer en Digter
Meyer se debuutbundel, Die Testament, word in 2020 deur Naledi uitgegee. Die bundel probeer wêreldburgers oorreed tot ʼn metafisiese revolusie. Die bundel se Engelse eweknie, Rebel Song en ʼn Engelse vertaling van André P Brink se Lobola vir die Lewe, word in 2022 deur Naledi gepubliseer. In 2021 word Bester se literêre omdigtings van die Palestynse digter, Magmoed Darwiesj, deur Naledi uitgegee. ʼn Antologie van omdigtings van die werk van Yehuda Amichai, Kahlil Gibran en Federico García Lorca, Uit die herberg van Alhambra verskyn in 2024 en ʼn tweede digbundel, Spotsanger sien in 2025 die lig.
Meyer se gedigte verskyn gereeld op die Versindaba en Litnet webruimtes.
Meyer is tans besig met ʼn MA-Graad in Kreatiewe Skryfkuns aan die UVS, waar hy deur manuskripontwikkeling werk aan sy finalisering van sy eerste roman.
Lys van Publikasies:
(literêre omdigtings van die werk van Magmoed Darwiesj)
(vertaling van André P Brink roman)
(literêre omdigtings van die werk van Khalil Gibran,
Federico Lorca en Yehuda Amichai)
met Landskap Tyd) (2025) – gedigte
Collab saam Albert Frost
The EP was released with Bester Meyer debut English poetry bundle, Rebel Song.
Toonsetting van Antjie Krog se gedig: Ma
Kontak Bester Meyer (Die Naamlose Dors) direk. Jou boodskap sal per e-pos gestuur word.
